شعر بدوي عن الخيانة

تعكس الخيانة في الحب أو الصداقة حالة من التغير تجاه الأشخاص، وانتقالهم إلى حياة مغايره تختلف فيها الأولويات والمشاعر، وتنتقل من أشخاص إلى أشخاص آخرين، ويعكس الشعر البدوي في واقعه ما كل يندرج تحت العلاقات الإنسانية، وطريقة تشكلها وتغيرها، وانتقالها من شكل إلى آخر ومن شخص إلى آخر، ويتسم الشعر البدوي بقربه من القلب، وسهولة تداوله، وشدة تأثيره في نفس المتلقي، وهذا ما يجعله مطروقًا بشدة بين الألسن، وتتناقله الشفاه في كل مكان، كما أنه على درجة كبيرة من التنوع، حيث تناول الشعر البدوي مختلف الموضوعات، وسنقدم خلال هذا المقال شعر بدوي عن الخيانة والغدر.

• لا تنصدم لا قلت انا اليوم مابيك
  القلب عافك وانتهى اليوم دورك
  اعميتني بحبك عسى الله يعميك
  وارميتني يازين بأعمق بحورك
  يالله توكل لا تجيني ولا اجيك
  يالله حبيبي قوم رتب امورك
• حبيبن خاين العشره جمع حزن البشر فيني
  كذب قلبي اذا بلحظه نساه او تناسيته
  نسى حبي بعد عمري وخلى الهم يطويني
  وخله الدنيا في عيني كئيبه ليت ماجيته
  يجي منه اكثر طعن قلبي معنيني
  يناديني على الفرقى واقول ابشر ولبيته
• الخيانه راس مالك والغدر منك وفيك
  وانتا ماتحمل بقلبك غير غدرك والخيانه
  لاتقول اني هويتك واني احبك وابيك
  كيف وانا الغدر منك ذقته لحد الاهانه
  انت من يعشق عيونك مات وبهمه نسيك
  لن غدرك والخيانه يقتل الحب وجنانه
  بعتني والله حسيبك يوم قلبي مشتريك
  بعتني وارخصة قلبي لين جرحة بكيانه
  كنت واثق في غرامك كان قلبي مشتريك
  كنت احسبك في حياتي حب ملكني حنانه
  كانت عيوني تشوفك غير كل الناس ذيك
  لين ملكتك حياتي وصرت لي سيد زمانه
  مادريت ان الخيانه صارة ارموزك هذيك
  لين ذقت الغدر منك وابأمانه وبأمانه
  كيف قلي شلون قلبي بعد هاذا يرتجيك
  كيف عطني من حلولك قول من يرضى هوانه
  كلمه واسمعها امانه لاتجيني ولا اجيك
  دام كلك وعلى بعضك رمز وافي للخيانه
• قلبي وفالك وانت قلبك خدعني
  خدعت قلب كان بالحب شاريك
  بكذب وخيانه وغدر قلبك حضني
  في وقت قلبي فيه يسهر يداريك
  ماكنت أظن قصدك بحبك تذلني
  ذليتني من بعد مامت انا فيك
  ببعد بعيد واوعدك ما احني
  ابشر اببعد ومع حبيبك بخليك
  وابي مماتي ياخذ الروح مني
  تاركلك الدنيا بها الله يهنيك
  واذا سأل في يوم انا انسان عني
  قله توفى والسبب طعن بيديك
• جاي بعد طول هالشهور و السنين
  تنتظرني اسامحك بعد غيابك يا المسكيـني
  ما قاله ربي يا صاحب الحبيبتين
  جاي بعد ماخليت الناس تتشمت فـيـني
  تذكر كنت تتغزل بعيوني الثنتين
  كنت تقول انتظر اليوم اللي فيك يجمعني
  صحيح كنت فيك مغرمة او مغرمتين
  كنت انتظر الساعات و الدقايق و الثواني
  اللي ممكن تجيبك لي في حالتين
  إما شوقك …أو إحساسك بشوقي و حرماني
  و كل ما ذكرتك زاد شوقي ..شوقين
• لا تـتـّصـل بي دام غيري مــسلّـيـك
  ما أقدر أكون بدنيتـك شخص عادي
  إمّـــا تجي كلّك وفـــاء عـند مغلـيك
  وابشر بقلب ٍ مـــــــا يخــــون الودادي
  وإن كان غيري يعجبك حيل ويرضيك
  كلّن على كيـفه بحـسـب اعتقادي
  خلّك معه يا جعل ربّي يخلّيـك
  من يتّبع المقفين قد قيل (غادي)
  ماعندي استعداد أساير خطاويك
  وأتّبع دروبك وأنت ناوي البعادي
  ارحل عن عيوني عسى الله يخليك
  والله مانت بـكفو تملك فـــؤادي
  خلاص أنا قررت من دنيتي ألغيك
  من صّد عني قلت له ( شيء عادي).
• لا تكثر بحكيك ترى دربك أشواك
  يا حافي الرجلين ثمن كلامك
  واذكر زمان أول وأيام بلواك
  من سنعك للناس وعدل مقامك؟
  لا يفلت لسانك على شخص رباك
  أنا بنيتك وماني عاجز اهدامك!
• لا انته ولا غيرك ولا حتى السنين السود
  تخلي دمعتي تنزل على خدي واكفكفها
  انا ادري منيتك انك تشوفني وانا مهدود
  ولكن اغسل يدك محال ادموعي اذرفها
  احبك كنت انا احبك وحبك كان بي موجود
  ولكن عشرتك هالحين انا من قلب عايفها
  عطيتك كل ما املك ولا فكرت بالمردود
  وكلما تصدمني بجرح اقول احباب طوفها
  تقول الخطاء وارد وانا اقول الصبر بحدود
  ولا انت درس علمني عطايا القلب اطرفها
  انا ماني هذاك اللي اذا ضاقت عليه يعود
  انا يالضيقه تنسفني يا اما الضيقه انسفها